لو معدي بالصدفة من منطقة الميريلاند في مصر الجديدة، أو كنت ساكن هناك، فأكيد جربت القهوة من إيد "آية"، ولو مجربتهاش فلازم تجربها، حاجة مختلفة، قهوة تركي على السبرتاية بعد المغرب، وبنكهات مختلفة في بالخوخ والموز والكورن فليكس.
الناس بتروح لآية من كل حتة، وفي ناس بتجيلها مخصوص علشان تدوق القهوة من المعادي و 6 أكتوبر، والعبور، ودول بقى محبي التغيير اللي عاوزين يعرفوا كل حاجة عن القهوة.
