A
A
A
لو جوزك عزم 30 واحد من عيلته.. ماتشليش هم وشوفي الفيديو ده للأخر
لو جوزك قالك إنه عازم كل اهله الـ30 فرد بعد يومين.. ماتتهوريش وخدي الأمور ببساطة شديدة جدا.. الشيف عزة على صفحتها يوميات عزة قدمت الحل اللي هيريحك مهما كان العدد.
أول نصيحة من الشيف عزة وشرحتها وهي بتطبخ إنك تبتدي تجهزي الحاجات والمشروبات والأكل اللي ينفع يتعمل قبلها بيومين يعني لو العزومة الخميس يبقي تعمليها الثلاثاء وتشيليها في التلاجية زي العصير وخلطة البانية وخلطة المحشي.
ونصحت الشيف عزة الستات إنهم يعملوا الحاجة بالراحة ومن غير قلق ونشرت فيديو لأكل يكفي 30 فرد مرة واحدة وقدمت تشكيلة كبيرة من الأكل فيها محاشي وبانيه وفراخ ولحوم وعصائر وجهزتهم على مدار 3 أيام من غير أي تعب.
دلوقي لو جوزك دخل فجأة وقالك أهلي جايين عزومة بيبقي لازم تشوفي الفيديو ده.
