لو عايزة أكلة جديدة للغدا.. راب دجاج كريمي بدون تفكير من مطبخ غادة جميل

أوقات كتير بنزهق من الأكل التقليدي وبنحب نجدد في الأكل وبنبقى عايزين نعمل أكلة جديدة وطعمها لذيذ وشهي وتكون سريعة وسهلة، علشان كده food today بتقدم لكم وصفة راب الدجاج الكريمي على طريقة الشيف "غادة جميل".

قدمت الشيف "غادة جميل" في برنامجها اتفضلوا عندنا على قناة سي بي سي سفرة طريقة عمل راب الدجاج الكريمي من العيش السوري.

المكونات:
- خبز سوري أو تورتيلا.
- دجاج.
- جبنة ريكوتا (أو جبنة قريش).
- جبنة بارميزان (أو جبنة رومي).
- أو جبنة موتزاريلا.
- كريمة.
- زبدة.
- فصوص ثوم.
- بصل.
- فلفل تشيلي.
- بهارات.
- بروكلي.
- روز بيف أو لانشون أو تركي (حسب الرغبة).
للصوص:
- جبنة موتزاريلا.
- جبنة بارميزان.
- لبن.
- نشا.


طريقة عمل راب الدجاج الكريمي:
- في طاسة على النار ضعي زبدة ثم بصل والقليل من الملح والفلفل الأسود ثم ضعي فصين ثوم.
- قطعي البروكلي والدجاج وضيفيهم للبصل وقلبيهم، ثم قطعي الروز بيف وضعيه ثم ضيفي القليل من الجبنة الريكوتا والبارميزان والموتزاريلا واتركيه قليلاً حتى ينضج.
- لعمل الصوص: ضعي القليل من النشا مع القليل من الماء في وعاء على النار وقلبيهم جيداً، ثم ضيفي الكريمة.
- وعندما يسخن ضعي الجبنة الموتزاريلا والبارميزان وقلبيهم معاً جيداً، ثم ضعي القليل من الماس والفلفل الأسود حتى يكون قوامه مناسب.
- احضري الخبز وضعي فيه خليط الدجاج ولفيه رول واقسميه لنصفين.
- ثم في إناء التقديم (البايركس) ضعي القليل من الكريمة في القعر ثم ضعي سندوتشات رول الدجاج بشكل مرتب.  
- احضري الصوص وضعيه فوق ساندوتشات الرول ثم ضعي القليل من الجبنة وادخليه الفرن.
وبس كده.. بالهنا والشفا.