الطعمية من الأكلات الشعبية اللي كل الناس بتعشقها خصوصا معروفه ف مصر جدااا، فالمقال ده هقولك على بعض النصائح والخطوات اللى هتخليكى تعملى احله طعميه فالبيت بشكل مظبوط زى بتاعه برا بالظبط
لو الطعمية بتعمليها بتطلع لونها غامق.
من أسرار نجاح الطعمية :
اولا :
متزوديش البصل يعنى نص كيلو فول عليه بصله صغيره مع التوم لان البصل الزياده بيخليها تشرب زيت للأسف.
ثانيا :
الخضرا الخضرا الكتير بتغمقها وبتخليها تشرب برضو زيت
مش بنستخدم لا بقدونس ولا شبت دى طعميه مش محشى
الطعمية كزبره خضرا وكرات وبس وبرضو مش كتير حزمه كزبره صغيره مع نص حزمه كرات صغيره على نص كيلو فول مدشوش.
ثالثا :
عجينه الطعمية وانتى بتطحنيها متحطيش اى توابل نهااااائى لان التوابل بتغمق العجينه التوابل تحطيها وانتى خلاص هتقلى بتكسرى عليها البيض وتحطى كزبره جافه وكمون ورشه فلفل اسود عشان البيض وشويه شطه لاكن لو هتجمديها بالتوابل هتغمق منك ومش هيكون لونها أخضر.
رابعا :
العجينه عشان تتطلع معاكى هاشه مش مكتومه وانتى بتتطحنيه على نص كيلو مدشوش اطحنى معاه رغيف فينو صغير يكون مبلول وتعصريه وتطحنيه مع الفول والمكونات
وبلاش بلاش كربوناتو لما تيجى تقلى خليها بيكنج بودر افضل
مع البيض والتوابل وافضلى روبى فيها كويس اوى عشان تديكى نتيجه كويسه وقرص طعميه عالمى.
اخيييرا :
نص فول مدشوش منقوع ١٢ ساعه
بصله صغيره
معلقه توم مفروم ك
حزمه كزبره صغيره
نص حزمه كرات صغيره
رغيف فينو صغير مبلول ومعصور كويس
ملح
التوابل عند القلى
كزبره جافه وكمون وشطه وفلفل اسود
