طريقة عمل سلطة البطاطس المشوية.. سهلة ولذيذة

 لمحبي السلطات بجميع أنواعها، ويرغبون دائما في التنويع وتشكيل السلطات وإضافة مكونات جديدة، food today رشحت لكم وصفة للسلطة جديدة وشهية وبسيطة، سلطة البطاطس المشوية على طريقة هشام السيد.

فقد قدم هشام السيد في برنامجه شبكة وسنارة على قناة سي بي سي سفرة طريقة عمل سلطة البطاطس المشوية.

 

المقادير

•    بطاطس صغيرة مشوية بالقشر.

•    بسلة.

•    بقدونس مفروم.

•    بصل أحمر.

•    جبنة كريمي.

•    ثوم مفروم.

•    جبنة شيدر.

•    ملح.

•    فلفل.

 

طريقة التحضير

1-  ضعي البطاطس في طاسة أو صينية ودخليها الفرن، وبعد كده حطي عليها شوية زيت وشوية ملح وحطيها في الفرن على نار هادية لمدة 50 دقيقة لساعة ودرجة الحرارة من 180-200 درجة مئوية.

2-  وبعد كده قطعي البصل وحطي عليهم كل المكونات ما عدا الجبن والثوم، وقلبيهم كلهم كويس.

3-  وفي وعاء تاني لعمل الدريسينج ضعي ملح وفلفل اسود وزيت زيتون حوالي 3-4 ملاعق، وأضيفي ملعقة واحدة مية، وضيفي ملعقة ثوم صغيرة، وهاتي مضرب واضربيهم مع بعض وقلبيهم، وممكن تضيفي ليمون او خل على الدريسنج.

4-  وآخر خطوة ضعي الدريسينج على خليط البطاطس وضعي عليهم الجبن .. وبس كده وبالهنا والشفا.