كلنا بناكل ملوخية، ومعظمنا بيحبها، وأغلبنا فاكرين ان الملوخية أكلة عادية،
ميعرفوش إنها كانت مسار جدل تاريخي طويل، فقد أجبر الهكسوس المصريين على أكلها
معتقدين أنها نبات سام، وحرمها الحاكم بأمر الله على العامة، واعتبرها أكلة ملكية.
امته العالم عرف الملوخية؟
اكتشفت الملوخية لأول مرة في العالم على ضفاف النيل منذ قديم الزمان.
«بلينوس»، اللي عاش في القرن الأول بعد الميلاد، قال إن الملوخية كانت تؤكل في زمانه بالإسكندرية.
وتعددت الروايات وراء تسميتها، ومنها أن الملوخية كانت نبات قديم في عهد الفراعنة، وكان يسمى «خية» واعتقد المصريين أنها نبتة سامة، ولما دخل الهكسوس مصر أجبروا المصريين على أكلها، وكانوا بيقولولهم: «ملو – خية» أي كلوا «خية».
بعد المصريين ما كلوا الملوخية، افتكروا أنهم خلاص ميتين، اكتشفوا أنها غير سامة، وأنها تصلح للأكل مش بس كدا دا عجبهم طعمها واستمرت حتى الآن.
