الخير يتجلى في أبهى صوروا، هنا في مدينة طنطا أهل الخير والكرم لا يفرقون
بين المحتاج والغني، جميعهم هنا سواسية وكما يقال بالبلدي "المليان يكب عل
الفاضي"، هذا ما فعله إبراهيم صاحب سوبر ماركت الحمد في طنطا وصاحب مبادرة
"لو مش معاك خد اللي انت عايزو"، انتشرت صور إبراهيم وهو يحمل قفص الخير،
عبارة عن قفص به مجموعة من المنتجات والسلع سكر وأرز وزيت وسمنة وجميعها مقدمة
لوجه الله، فما القصة بالتحديد؟ Food Today تواصلت مع إبراهيم صاحب ماركت الحمد وكشف التفاصيل.
ربنا بيرزق والخير كتير...
يقول إبراهيم لـFood Today أنه من زمان وهو يتاجر مع الله ودائما يقدم سلع ومنتجات لوجه الله، وعن تفاصيل
المبادرة يقول إبراهيم "أنه قرر عمل قفص وكل لما حد يتفضل ليه باقي جنيه او
اتنين جنيه يجمع الفلوس ويحط بيها منتجات في القفص وعارضه خارج المحل"، ويضيف
أنه علق لافتة خارج المحل مكتوب عليها "اللي محتاج حاجة ياخدها" وقال
أنه رصد مبلغ مالي يومي يخرج به منتجات وسلع ويضعها في القفص لتصل إلى مستحقيها.
الرفق بالمحتاجين
وخوفا على مشاعر المحتاجين يقول إبراهيم أنه يعرف أهل الحي جيدا ويعرف من
منهم محتاج لذلك يقوم بإعطاء المحتاج ويقول له "ده كان سحب وانتوا كسبتو
مكرونه أو دقيق او سكر"، وأكد أن هناك من يقوم بالتبرع عن طريق إرسال أموال
على فوري ويطلب منه أن يشتري بضاعة يضعها في الصندوق لكل من يحتاج، وأكد أن هناك
شنط لرمضان سيتم إخراجها للمحتاجين وهذا ما أعتاد عليه كل عام، وأكد أنه يتمنى أن
يتم تعميم هذه الفكرة في كل مكان "مفيش صدقة ولا عمل خير بيخسرك بالعكس انت
كسبان مرتين مرة بدعوة الغلبان ومرة بتجارتك مع ربنا".
