لو نفسك في فراخ أو معدتك طلبت مشاوي بس ممعكش تدفع . روح مطعم الملك فاروق وهناك سلم على اللي هناك وهتقعد وتاكل ببلاش!.. دي مش فزورة ولا قلش ..ده حقيقة وحصلت كمان.. تعالوا نشوف الحكاية..
في شارع الجيش وبالتحديد في منطقة باب الشعرية الجميلة، هيسرق عينك مبنى قديم وصغير مكتوب عليه مطعم فاروق الخيري، وهتندهش أكتر لما تعرف إن المبني اللي واقف في نص الشارع المخصص للمعاشات كان في يوم من الأيام ملجأ لكل جعان ومشرد في البلد من سنة 1932، قدم فيه أصناف من الأكلات الشهية زي اللحوم والفراخ بالمجان لأي حد مكانش معاه فلوس يدفع، فيا ترى ايه قصة مطعم الغلابة ده؟.
تم افتتاح المطعم ده في عهد الملك فاروق علشان يكون أول مطعم عالى المستوى بيقدم أشهى الوجبات للمشردين والفقراء في القاهرة، وأمر الملك وقتها بالاهتمام بجودة الوجبات المقدمة فقدمت فيها اللحوم والفراخ بالمجان لمن لا يستطيع الدفع وبأسعار رخيصة جداً للجميع، وفي رمضان كانت بتتفرد الموائد قدام المطعم لكل عابر سبيل.
وشدد الملك وقتها على حسن معاملة الفقراء وعدم الإثقال على اللي ميقدرش يدفع الفلوس.
