بتاكل مسكر وترجع تحدق.. المشكلة في سكر الدم خد بالك

الأشخاص اللي بعد ما ياكلوا حاجة حادقة بيبقوا محتاجين حاجة مسكرة، والعكس، لازم يعرفوا إن السبب الرئيسي وراء عاداتهم دي، أنهم بيحصل لهم هبوط في سكر الدم، وبناء عليه بيحتاجوا لأكلات غنية بالسكر، فبتزيد نسبة السكر في الدم مرة واحدة وبسرعة، وعشان كدا هي خطر، لأن كلنا لما بنيجي ناكل نسبة السكر بتعلى وتزيد، وبسرعة بيرجع ينزل أسرع، عشان كدا بيحسوا بهبوط، حتى لو واكلين وجبة كبيرة وكمان بيحسوا بخمول، وبالتالي يرجعوا ياكلوا حاجة مسكرة، ويفضلوا في الدايرة دي.
العنصر الآخر من المشكلة، بيكون الجوع العاطفي الناتج عن إحساس معين، أو زهقانين، أو في أكل كتير قدامهم، أو خروجه.
الحل أنه لازم يكون في تنظيم للأكل، أي لا أترك نفسي جعان لمدة 6 ساعات، وكل وجبة مليئة بالبروتين، كونه يحول دون صعود السكر في الدم بسرعة.