تعرف مين اخترع الشيبسي؟!.. تعاولوا نعرف حكاية السناكس الأشهر في العالم

انت كنت تعرف إن الشيبسي أو رقائق البطاطس اتعرفت في الأساس بالصدفة.. أيوا واللي ابتكرها شيف متحمس كان عايز يضايق واحد من زباينه.

وظهرت أول وصفة معروفة لرقائق بطاطس مشابه لشكلها الحالي في كتاب طهي قديم نُشر سنة 1817، وهو كتاب The Cook's Oracle
أما سبب صنع رقائق الشيبسي وشهرتها، فيعود لأواخر القرن التاسع عشر.
تقول الرواية، إن الطبق يعود لجورج كروم، وهو طباخ إفريقي كان يعمل في مطعم بنيويورك، وجهز طبق من البطاطس لواحد من زباينه، لكن الزبون معجبتهوش البطاطس عشان كانت سميكة، وطلب من الطاهي إن يغير طبق البطاطس ويعمل واحد غيرو أقل سمكًا.
قرر الطاهي العنيد إنه ينتقم من الزبون وقطعله طبق بطاطس رقيقة لغاية ما تتفتت أول ما يمسكها وعشان الزبون اللي مضايقه مش هيعرف يمسكها بالشوكة فيتجنن حتى أنه سماها Crum أي متفتت.


كانت مفاجأة غير متوقعة لكن  جت الخطة بنتائج عكسية، لأن الزبون اتبسط اوووي من البطاطس الجديدة وبدأ زباين المطعم التانيين يطلبوا رقائق Crum.
وبمرور الوقت تم تعبئة البطاطس الجديدة وبيعها، محليًا أولاً، ثم في جميع أنحاء منطقة نيو إنجلاند، وقام جورج كروم بعدها بافتتاح مطعمه الخاص، لبيع رقائق البطاطس وكان يقوم بصنعها يدويًا.
في عشرينيات القرن الماضي تم اختراع مقشرة البطاطس الميكانيكية، والاختراع العظيم ده مهد الطريق لرقائق البطاطس من وجبة محلية إلى تاني أكثر الأطعمة مبيعًا في العالم.
تُعرف شركة Mikesell's Potato Chip في أوهايو أمريكا، والتي تأسست عام 1910، بأنها أقدم وأول شركة لرقائق البطاطس في العالم، وكان لها الفضل الأول في إضافة النكهات لرقائق الشيبسي.
نشأت فكرة إضافة الملح إلى رقائق البطاطس المقلية عام 1920، وفي 1954 تم صنع أول رقائق بطاطس منكهة بطعم الشواء أو الباربكيو، وانهاردة يوجد حول العالم أكثر من 100 نكهة ونوع من الشيبسي.