15 سنة "أشرف" واقف بيبيع فرسكا وهو لابس بدلة ومتشيك، الناس في الشارع بتقوله يا فنان، بيصبح على زباينة بابتسامة عريضة، وبيديهم الفريسكا المخبوزة بكل حب.. Food Today قابلت أشرف اللي قال: "البدلة سر نجاحي، وانا متشيك كدا بحس اني سعيد، ولقب فنان اللي الناس بتقوله دا مش من فراغ أنا اشتغلت مسرح وخدت ورش تمثيل".
وقال إنه اشترك في تمثيل إعلانات، وعمل بروفات لكن مكملش، ولو الحلم بتاع التمثيل اتحقق أنا برده مش هاسيب هوايتي، لكن ممكن أطورها.
وعن الفرسكة قال إنها بتجي من الإسكندرية وأنا "بسكرها" يعني بحطلها عسل وسكر، وعادة ببيع في المولات، والإيفنتات، لكن بقف في شارع النصر من وقت للتاني.
