اعملي بسبوسة زي المحلات.. على طريقة الشيف غادة التلي

البسبوسة من الحلويات المشهورة في مصر ويعشقها المصريين ويقع في غرامها غير المصريين، وتختلف طرق (عمايلها) في البيت عن الجاهزة (او بتاعت الحلواني)، food today  بترشح لكم وصفة وطريقة جديدة للبسبوسة زي بتاعت الحلواني على طريقة الشيف غادة التلي.
قدمت الشيف "غادة التلي" في برنامجها زعفران وفانيلا على قناة سي بي سي سفرة طريقة عمل البسبوسة.

المكونات:
- 4/3 كوب سمنة.
- 4/3 كوب لبن.
- 2/1 كوب سكر.
- 3 ملعقة كبيرة جلوكوز.
- ملعقة صغيرة فانيليا.
- 2/1 كيلو سميد بسبوسة.
للشربات:
- كوب ونصف سكر.
- كوب وربع ماء.
- ملعقة كبيرة سمنة.
- 2 ملعقة صغيرة ليمون.
للوجه:
لوز.





طريقة عمل البسبوسة:
- ضعي السمنة في إناء على نار هادية لكي تسخن واتركيها على جنب، احضري بولة وضعي فيها السميد مع السمنة وقلبيهم.
- ثم ضعي السكر والجلوكوز والحليب والفانيلا واخلطيهم (بإيدك) حتى يتكون خليط مناسب.
- في صينية ضعي فيها القليل من السمنه وادهنيها ووزعيها، ثم ضعي خليط البسبوسة في الصينية وافرديها وضعي عليها اللوز (أو أي مكسرات تفضلينها) وضعيها في الفرن على درجة حرارة 180 درجة لمدة 25-30 دقيقة.
- حضري الشربات، ضعي ماء وسكر ونقطة ليمون والسمنة في إناء حتى ينضجوا معاً.
- وعندما تخرج البسبوسة من الفرن ضعي عليها الشربات (وهو سخن) وغطيها، بهذه الطريقة ستكون طرية جداً.
وبس كده.. بالهنا والشفا.