حرص الفنان حكيم على تشويق جمهوره لمفاجأة جديدة، من خيمته الرمضانية، التي يقيمها كل يوم بعد الإفطار، وأشار إلى أنه يجهز لمفاجأة سيسمع عنها جمهوره لأول مرة.
حكيم: بتخن في رمضان
ونشر حكيم عبر صفحته الشخصية بموقع تبادل الصور والفيديوهات "إنستجرام" عدة صور له من خيمته الرمضانية، وكتب عليها: "رمضان كريم عليكم وكل سنة وأنتم طيبين.. استنوا مفاجآت خيمة حكيم كل يوم بعد الفطار وحاجات اول مرة تسمعوها ".
وكان المطرب الشعبي قد كشف عن كواليس قضائه لشهر رمضان المبارك خلال حواره فى برنامج "ملوك الزحمة" المذاع على إذاعة "شعبى إف إم" من تقديم لينا صالح، وقال: "أنا فى رمضان بعمل خيمة فى البيت الـ30 يوم سحور وفطار بعزم فيها إخواتى وقرايبى وأصحابي، وبتخن جامد فى رمضان".
بيحب الحلويات
وأضاف حكيم: "أكتر حاجة بتبقى موجودة فى الفطار، السوبيا والقطايف، وموضوع الأكل مش بيشغل بالى خالص أنا باكل أى حاجة قدامى، بس أنا مش أكيل أوى ممكن أكل أى حاجة حتة جبنة ونص رغيف مليش طلبات فى الأكل انا بحب الحلويات أكتر".
وحول الشارع المصري قال حكيم: "هو الشارع الجدع وابن البلد والأغنية اللى بتعبر عنه مش قليلة، والأغنية الشعبية فيها فرحة وحزن والم ولازم نحافظ على رونقها واحترامها لأن فيه ناس بتطلع تحت مسمى الأغنية الشعبية، وببقي قاصد أخد الألفاظ من كلام الناس زى أغانى، السلام عليكم وأفرض مثلا، أما أغنية الجرسون فهى حالة وصورة فى نفس الوقت تسمعيها تحسى ان فى ناس مش جدعان وفى ناس غدارة والأغنية دى مكنتش بتاعتى سمعتها بالصدفة وكان حد تانى هيغنيها بس أنا فضلت أفرك لحد ما ختها بالتوزيع تاعها من المنتج".
قريبا كله راح
وكان حكيم قد نشر البرومو الرسمي لأغنية "كله راح" وعلق عليها قائلا: "قريبا كله راح"، كما اقتصر البرومو التشويقي على كلمة واحدة فقط وهي زمان.
كما طرح حكيم، أحدث أغنياته التي تحمل اسم "كله راح"، على "يوتيوب"، والأغنية من كلمات صلاح مندى، وألحان هاني فاروق، وتوزيع ميدو مزيكا، وميكساج وماستر أحمد جودة، وتخطت الأغنية 100 ألف مشاهدة بعد ساعات من طرحها.
